Min parapluie
tiré du livre de Guy Dubois " Poèmes et canchons d'ichi, d'adon et d' a ch't'heure"
MIN PARAPLUIE
Quand min grand-père
Ech'brafe homme qui a cessé d'rire.
Il a toudis été in homme ed'bien
I a pinsé avant d'mourir
A écrire in bieau testamint.
Em'n'onque Emile i'a eu ses culottes
Maximilien i a eu ses bieaux habits
Césarin i a eu s'belle capote,
Et mi j'ai eu sin parapluie.
Sin parapluie.
Min parapluie i vient d'famille
Ch'est min grand'père qui l'avot acaté,
In 1900 à l'braderie d'Lille.
Ch'est l'bon marqué qui l'a tinté.
Pour quarante sous il a eu ses culottes,
Et pour tros francs, i a eu ses bieaux habits,
Pour trente sous i a eu s'belle capote,
Il a payé qu'vingt sous sin parapluie
Sin parapluie.
Min parapluie ch'est de l'baleine
Chelle toile alle est in taffetas de Lyon
Chelle manche alle est in bos d'ébène,
Et chelle pugnie in bos d'chitron.
Tout grand ouvert, ch'est pire qu'inne vraie baraque,
In y mettrot inne famille à l'abri.
Ch'est vraimint inne belle pièche ed'ménache*
Qu'il est bieau, qu'il est bieau min parapluie.
Min parapluie
Quand min grand-père i a rintré dis ch'villache
Avec sin parapluie ed'sous sin bras,
Ch'étot pire qu'in armue-ménache,
Des femmes et d'z infants tous aux abois
Tout l'monde dijot v'là l'Bastien qui rapporte
Inne invention qui n'pleuvra pus sus li;
Comme au théâtre, in faijot queue à s'porte
Ch'étot pour vir sin parapluie.
Quand min grand-père i avot bu deux tros larmes
I s'arsintot des sintimints guerriers
I marchot, i portot les armes,
Comme du temps qu'i étot grenadier.
Comme i voulot toudis faire des conquêtes,
Il y veyot toudis des ennemis,
I chargeot à la baïonnette
Avec, avec sin parapluie
Din parapluie.
Avec em'femme quand i faut qu' je m'catoube
I faut toudis qu'j'prinche des précautions;
Comme alle n'a pus gramint d'dints dins s'bouque
Alle lance toudis des postillons.
Quand que j'prévos qu'alle va s'mette in colère,
Pour éviter qu'i pleuche à verse sur mi,
Ej' fais deux tros pas in arrière,
Et j'eufe tout grand min parapluie
Min parapluie
Commentaires
-
- 1. thery Denis Le 10/08/2017
ma mère le chantait toujours dans les réunions de famille annuelles, jours de l'an ou exceptionelles. Le texte était un peu différent. Par exemple cla commence par Em onc Gaston pauvre homme y vin d;mourir.......J'ai les paroles exactes qu'elle m'a dictée avant de mourir 95 ans Si quelqu'un les veut je le lui transmettrais. selon que c'est un homme ou une femme qui chante quelques paroles changent comme em nomme quint y smet en colère ec fais 3 ptits pas en arrière et j'ouv tout grand min parapluie et répété par l'assemblée. -
- 2. VENDROME Le 07/12/2014
Super heureux d'avoir trouvé les paroles de cette chanson que mon père ne manquait pas de chanter à chaque réunion de famille !!! -
- 3. hacart Le 25/05/2014
bonjour
deuxième tentative pourquoi tout s'efface, pourtant le code est bon
je demandais si ce n'était pas une chanson peut on trouver la partition? il me semble que ma tante ancienne institutrice la chantait merci -
- 4. hacart Le 25/05/2014
bonjour
n'est ce pas une chanson il me semble que ma tante la chantait
je vous en remercie bien cordialement
Ajouter un commentaire
