Si té voulos dev'nir em'bonne amie - chanson polissonne! elle est de Monsieur Pépino et se vendait sur les foires !

Si té voulos dev'nir em'bonne amie !

1

J'rincontre ed'pus deux tros s'maines

In r'venant d'l'atelier

Inne petite crotte à la crème

Alle a des bieaux caveux tout blonds

Des petits yus tout ch'qu'y a d'cochon

Tout ch'qu'alle a est épatant

Derrièr comme par devant

Hier au soir j'n'in pouvos pus

J'i ai dit d'in air convaincu

 

REF

Ah si té voulos dev'nir em'bonne amie

T'auros du bonheur em'petite Rosalie

L'soir quand j'aurai fini d'ouvrer

Tous les deux in irot s'promener

In irot dins les blés cueillir des marguerites

In arvénant j't acat'rai pour dix sous d'frites

Et t'aros cor si té l'veux bien

Inne banane, inne banane

Inne banane grosse comme min poing.

 

2

Dimanche sans faire trop d'histoires

Rosalie, gintimint

A v'nu faire in tour sus l'foire

Mi j'étos bin contint

J'i ai payé l'carrousel

El'massacre, el'tire-ficelle

Alle a même grimpé toute seule

Deux, tros fos sus l'casse-gueule

Mi, d'in bas, ej'ravisos

Ses mollets et pis j'pinsos

REF

Ah si té voulos dev'nir em'bonne amie

Comme ej'caress'ros tout cha, chère Rosalie

Ej'pass'ros m'main sus tes bas d'soie

Je l'pass'ros même aute part que cha !

Té m'féros vir et'combinaison hygiénique

Tes p'tits patalons avec des élastiques

Té m'féros vir tout chù qu'tas d'gentil

Rosalie, Rosalie, je m'croros dins l'paradis

 

3

Et l'même soir vers les minuit

Comme in étot tout seu

Dins l'obscurité j'i dit :

Ej'sus bin malheureux

Rosalie min tiot n'osieau

Té devros m'faire in cadeau

Tout l'monde dit qu't'as cor et'fleur

Mi j'te l'cueull'ros d'bon coeur

Donne me le, vas, min p'tit chou

Ou bin, mi, j'vas dev'nir fou !

 

REF

Ah si té voulos dev'nir em'bonne amie

Chinq minutes pas plus em'petite Rosalie

Cha n's'rot même pas connu d'personne

J'té donn'ros inne leçon d'charleston

Mais v'là qu'Rosalie m'dit : tais-te farceur

J'auros bien du mau à t'donner m'fleur

Dù qu'alle est, je ne l'sais même pus

Grand nigaud, grand ballot, y'a longtemps que j'l'ai perdue !

Commentaires (4)

1. Odile DUHAMEL 10/09/2011

Bonjour Michelle,

Je suis invitée à un mariage prochainement, et cordialement "obligée" de chanter !!!...
Je me souviens d'une chanson coquine qui disait "Encore, encore ..." l'histoire d'une jeune fille qui voulait des rubans sur sa robe encore, encore ...
Si vous pouviez me la retrouver (l'air et les paroles ...et même le titre !!!)
Merci d'avance

2. nicolas 04/02/2011

bonjour marie pierre

vas vire à ch' t' adresse y'a eun' MINE d'informaton sur euch'nord

http://www.histoires-de-chtis.com/index-news-9595-charlot-l'bochu-chanson.php

3. Michelle 21/11/2010

Bonjour Marie Pierre

J'ai retrouvé les paroles et je vous les fais parvenir par mail -
Je les ajouterai sur mon site

Merci de votre visite

4. Marie Pierre Baltz-Puppinck 21/11/2010

Je voudrais retrouver les parolesde "Che mi Carlo l' Bossu. Pouvez-vous m'y aider? Merci
Joliet, IL, USA

Ajouter un commentaire
Code incorrect ! Essayez à nouveau