Histoires, chansons enfantines,  citations,trucs, astuces, les chats,Noël, chansons,Michèle FLAMME, les poèmes de Michelle, Hautmont

Dans le nord, les gens boivent beaucoup de café

  

 L'café         

                              

Au matin, sitôt qu'in s'révelle
 Ch'est pour aller caresser ch'marabout
In fait tourner chelle manivelle
 Pindant qu'chelle ieau d'sus fu qu'alle bout
Je n'connos pont d'pus belle musique
 Que ch'café qui tourne dins ch'molin
 Ch'tiot canarien fait pitchouit
Dins s'gaïole, i accompagne au refrain
Ah qué bonheur ed'boire inne petiote tasse
In sint dù qu'cha passe et ch'est douche à sin coeur
 Y'in a qui s'mettent à l'déroute,
Afin d'oublier leu chagrin
I s'mettent à boire inne pétite goutte
Mi j'vous assure que chà n'vaut rin
Pour mi l'café ch'est l'roi de la terre
 Il a caché l'désolation
 Il fait oblier nos misères
 Ch'est inne goutte ed'consolation
Ah qué bonheur ed'boire inne petiote tasse
In sint dù qu'cha passe et ch'est douche à sin coeur
Vous avez bien intindu dire
Dins l'temps  quand vous étottes pitits
 Et qu'cha a même dù vous faire sourire
Qu'in minge de l'tarte au Paradis
 Pour mi j'ai pinsé in mi-même
Et ch'est chà qui m'a consolé
Qu'au Paradis si y'a des femmes
In aura sûr'mint du café
 Ah qué bonheur ed'boire inne petiote tasse
 In sint dù qu'cha passe et ch'est douche à sin coeur

 

 

 

 

 

 

 

 

 

      

Commentaires

  • Céline
    • 1. Céline Le 29/04/2010
    Vive les chtis et vive le patois !
    Vif les chtis et vif eul pato !
    J'aimro bin que din m'ville in vo des groupes eud patoisants qui viendrottent faire des spectacles ! cha cha minque ! in nin vo jamais ! pourtant eul pato ché nos racines !
    vive les chtis

Ajouter un commentaire