chanson traditionnelle du nord de la France - les mamans la chantaient pour endormir leurs enfants

                                                     

 

                                  Dors min p'tit Quinquin

 

 

REFRAIN

Dors, min p'tit quinquin

Min p'tit pouchin, min gros rojin

Te m'f'ras du chagrin

Si te n'dors point j'qu'à d'main

 

COUPLET 1

Ainsi l'aut'jour eun pauv'dintellière

In a mi clotant sin p'tit garchon

Qui d'puis tros quarts d'heure

N'faijot qu'brair, tâchot l'indormir

Par eun canchon; ell'li dijot : min Narcisse

D'main t'aras du pain n'épice, du chuc'à gogo

Si t'es sache

Et qu'te fais dodo

REFRAIN

 

 

 

COUPLET 2

 

Et si te m'laiche faire eun'bonn'semaine

J'irai dégager tin biau sarau

Tin patalon d'drap, tin gilet d'laine

Comme un p'tit milord te s'ras faraud !

J't'acatrai, l'jour de l'ducasse

Un polichinell' cocasse

Un turlututu

Pour jouer l'air du capiau pointu

 

REFRAIN

 

COUPLET 3

Nous iron d'ins l'cour Jeannette-à-vaques

Vir les marionnett's; comme te riras

Quand t'intindras dire "un doup'pour' Jacques"

Pa l'polichinell' qi parl'magas !

Te li mettras dins s'menotte

Au lieu d'doupe, un rond d'carotte !

Y t'dira : Merci !

Pins' comm'nous arons du plaisi !

 

        REFRAIN

 

COUPLET 4

Et si par hasard sin maite s'fâche

Ch'est alors, Narciss', que nous rirons

Sans n'navoir invi', j'prindrai m'on air mache

J'li dirai sin nom et ses surnoms

j'il dirai des fariboles

Y m'in répondra des drôles

Infin, un chacun

Verra deux spectac' au lieu d'un

 

REFRAIN

 

COUPLET 5

Alors ,serr' tes yeux, dors minbonhomme

J'vas dire eun'prière à P'tit-Jésus

Pour qu'y vienne ichi, pindant tin somme

T'faire rêver qu'j'ai les mains pleins d'écus

Pour qu'y t'apporte eun'coquille

Avec du chirop qui guille

Tout l'long d'tin minton

Te pourlèqu'ras tros heur's du long !

 

REFRAIN

 

COUPLET 6

L'mos qui vient, d'Saint-Nicolas ch'est l'fête

Pour sûr, au soir, y viendra t'trouver

Y t'f'ra un sermonet t'laich'ra mette

Ind'zous du ballot un grand painnier

Y l'rimplira, si t'es sache

D'séquois qui t'rindront bénache

Sans cha, sin baudet

T'invoira un grand martinet

 

REFRAIN

 

COUPLET 7  

Ni les marionnett's, ni l'pain d'épice

N'ont produit d'effet. Mais l'martinet

A vit' rappajé l'petit Narcisse

Qui craignot' vir arriver l'baudet

Il a dit s'canchon-dormoire

S'mèr' la mis dins'n ochennoire

A r'pris sin coussin

Et répété vingt fos che r'frain

Dors, min p'tit quinquin

Min p'tit pouchin, min gros rojin

Te m'fras du chagrin

Si te n'dors point j'qu'à d'main.

 

 

 

 

                                                                

 

 

Commentaires (1)

1. lknjhg 15/12/2009

Ajouter un commentaire
Code incorrect ! Essayez à nouveau